အင်ဗာတာ-မော်တာ ဒီဇိုင်းဆိုင်ရာ ပြဿနာများ(၁)

အင်ဒတ်ရှင်း မော်တာတွေဟာ လျှပ်စစ်စွမ်းအင်ကို အများဆုံး အသုံးချတဲ့ ပစ္စည်းတွေဖြစ်တဲ့ အတွက် သူ့ရဲ့ efficiency ကိုပိုကောင်းအောင် ပြုလုပ်ခြင်းဟာ အဓိက ကျတဲ့ လိုအပ်ချက်ဖြစ်ပါတယ်။ ဒီနည်းအားဖြင့် သုံးစွဲသူအနေနှင့် ရေရှည်တွင် လျှပ်စစ် စွမ်းအင် အတွက် ကုန်ကျစားရိတ် သိသိလာသာ သက်သာလာမည်ဖြစ်သည်။

ဒီဇိုင်နာများအနေနှင့်မူ ပြင်ဆင်မှု လွယ်ကူအောင်၊ အသံဆူညံမှု နည်းအောင် နဲ့ ခနခန ပျက်မှာကို မပူရဘဲ စိတ်ချယုံကြည်စွာ ရေရှည်သုံးနိုင်အောင် ရှုပ်ထွေးခက်ခဲစွာ ဒီဇိုင်းပြုလုပ်ကြရမှာ ဖြစ်ပါတယ်။
ဒီလိုမော်တာတွေ လုပ်ဖို့ ကို နည်းပညာပိုင်း ငွေကြေးအရင်းအနှီးပိုင်း လိုအပ်ချက်တွေ လိုလာမှာကို ထည့်တွက်ကြရမယ်။ *မော်တာတွေကို ခေတ်မီဖို့ ပြင်ဆင်ရာမှာ machine line တွေကို အကုန်လဲလှယ်ဖို့ လိုတဲ့ အတွက် မလွယ်ကူပေမယ့် အခုမှ စလုပ်မဲ့ သူတွေ အတွက် အစတည်းက ဒီလို မျိုးလုပ်ဖို့ စဉ်းစားသင့်တယ်။
ခုခေတ်မော်တာ အတော်များများဟာ အိမ်သုံး စက်ရုံသုံး လျှပ်စစ် ဓါတ်အားပေးလိုင်းတွေနဲ့ တိုက်ရိုက် ချိတ်ဆက်အသုံးပြုဖို့ကိုသာ ဒီဇိုင်းပြုလုပ်ထားတာ ဖြစ်ပါတယ်။ ၄င်းတို့ကို အမြောက်အများ ပုံစံတူ ထုတ်လုပ်လေ့ရှိပြီး series မော်တာများဟု ခေါ်ဆိုပါသည် (ဥပမာ-4A series, 5A series)။ ဆိုလိုတာက input voltage နဲ့ frequency ကို constant အနေနဲ့ ယူဆပြီး အဲဒီ rated vale တွေမှာပဲ အလုပ်အကောင်းဆုံးလုပ်အောင် ဒီဇိုင်း ပြုလုပ်ထားတာ ဖြစ်ပါတယ်။ မြန်မာ ဈေးကွက်မှာ အများဆုံး ရှိနေတာက အဲလို မော်တာမျိုးတွေပါ။ အင်ဗာတာ နဲ့ တွဲသုံးပြီး frequency အမျိုးမျိုး၊ ဗို့အား အမျိုးမျိုး နဲ့ သုံးနေရတဲ့ အခြေအနေမျိုးအတွက် သင့်တော်ခြင်းမရှိပါဘူး။
တစ်ခါ စက်မှု သုံးမဟုတ်ဘဲ အိမ်သုံး အနေနဲ့ မော်တာကို သုံးတဲ့ အခါမှာ အိမ်သုံးလျှပ်စစ်လိုင်းက စင်ဂယ်ဖေ့စ် ပဲရှိတဲ့ အတွက် စင်ဂယ်ဖေ့စ် မော်တော်တွေကို သုံးကြပါတယ်။ တကယ်က စင်ဂယ်ဖေ့စ် မော်တာအစစ်တွေဟာ သီးသန့် ဒီဇိုင်းလုပ်ကြရပြီး ပါဝါများများ အတွက် အသုံးပြုလျင် losses များလို့ မသင့်တော်ပါ။ ဒီအခါမှာ ကွန်ဒန်စေတာ (Capacitor) များကို သုံးပြီး သရီးဖေ့စ် မော်တာများကို စင်ဂယ်ဖေ့စ် အဖြစ်ပြောင်းလဲ ကာ တွက်ချက် အသုံးချလာကြပါတယ်။ ဆိုလိုတာက ဈေးကွက်မှာ အလွယ်ရတဲ့ သရီးဖေ့စ် မော်တာ တစ်လုံးကို ကွန်ဒန်စေတာ နဲ့ တွက်ချက်ထားတဲ့ အတိုင်း ချိတ်ဆက်လိုက်တဲ့ အခါမှာ စင်ဂယ်ဖေ့စ် ပါဝါ ဆပ်ပလိုင်းနဲ့ ချိတ်ဆက်သုံးနိုင်တဲ့ စင်ဂယ်ဖေ့စ်မော်တာတစ်လုံးကို ရရှိပါတယ်။ ပုံမှာကြည့်ပါ။

ဒီပုံတွေမှာ a,b,c ဆိုတာက သရီးဖေ့စ် မော်တာရဲ့ စတေတာက winding ၃ ခု ဖြစ်ပါတယ်။ ၄င်းတို့မှ ထွက်လာတဲ့ ကြိုးစတွေကို ပုံမှာ ပြထားတဲ့ အတိုင်း capacitors ၂ ခု (Cp and Co) နဲ့ ချိတ်ဆက်ပြီး U ဆိုတဲ့ စင်ဂယ်ဖေ့စ် လိုင်းကို ချိတ်ဆက် အသုံးပြုနိုင်တယ်ဆိုတာကို ပြထားတာဖြစ်ပါတယ်။ ဒါက ကျွန်တော့် မာစတာ သီးစစ် ဖြစ်ခဲ့ပါတယ်။ အဲဒီလို ချိတ်ဆက်ဖို့မှာ ဘယ်လို မော်တာမျိုးကို capacitors တန်ဖိုး ဘယ်လောက်တွေနဲ့ ဘယ်လို နည်းလမ်းမျိုး နဲ့ ချိတ်ဆက်မယ်ဆိုရင် ဘယ်လိုဖြစ်လာမယ်ဆိုတာကို အသေအချာတွက်ချက်လေ့လာပြီးမှ လက်တွေ့ အသုံးချရမှာ ဖြစ်ပါတယ်။ မြန်မာပြည်မှာ စင်ဂယ်ဖေ့စ်မော်တာ အများစုက ဒီလို မော်တာမျိုးဖြစ်ပါတယ်။

ဒီလိုမော်တာတွေဟာ အင်ဗာတာတွေ မပေါ်ခင်နဲ့ ဈေးနှုန်းကြီးမြင့် စဉ်က အသုံး များခဲ့ပေမယ့် အခုအခါ အင်ဗာတာတွေ ဈေးကျလာပြီး efficiency ကို အဓိက လိုချင်လာတဲ့အခါ၊ ကွန်ထရိုးလုပ်ချင်လာတဲ့ အခါမှာ interver fed induction motor drive တွေကို ပြောင်းလဲ အသုံးပြုလာနေပါပြီ။ ခုလောလောဆယ် အမေရိကန်မှာ ထုတ်ပြန်တဲ့ 1992 ဥပဒေ ЕРАСТ (Energy Policy Аct 1992) မှစတင်ပြီး မော်တာများရဲ့ minium efficiency ကို တိုးမြှင့်ထုတ်လုပ်အောင် တွန်းအားအများကြီးပေးခဲ့ပါတယ်။
ဥရောပ နိုင်ငံများကလည်း အဲဒီ စံနှုန်းတွေကို လက်ခံခဲ့ကြပါတယ်။ မော်တာထုတ်လုပ်သူများက အဲဒီဥပဒေအရ ပြဌာန်းထားတဲ့ စံနှုန်း များထက် လျော့နည်းပြီး ထုတ်လုပ်ပါက ဒဏ်ငွေ အမြောက်အမြား အတပ်ခံရမှာ ဖြစ်ပါတယ်။ အောက်မှာ ဖေါ်ပြထားတဲ့ တေဘယ်လ် ကတော့ အဲဒီ စံနှုန်းတစ်ချို့ပဲ ဖြစ်ပါတယ်ခင်ဗျာ။

အင်ဗာတာတွေ သုံးလာကြတဲ့ အခါ စွမ်းဆောင်ရည်အသစ်တွေ ရရှိလာပေမယ့် အခြားတစ်ဘက်မှာလည်း ပြဿနာတွေ တစ်ပုံကြီး တွေ့လာရပါတယ်။ ယနေ့ တစ်ချို့ ထုတ်လုပ်ရေး လုပ်ငန်းများတွင် inverter-motor drive များထုတ်လုပ်ရာတွင် အချို့ သတိပြုရမည့်အချက်များကို သေချာ ထည့်သွင်း စဉ်းစားခြင်းမပြုကြသေးပေ။ အထူးသဖြင့် အမေရိကန်နှင့် ဥရောပမှလွဲ၍ ကျန်သောနိုင်ငံများရှိ မော်တာထုတ်လုပ်သူများသည် များသောအားဖြင့် series လိုက်ထုတ်နေသာ သာမာန် motor များကိုသာ အလွယ်ရယူ၍ အင်ဗာတာနှင့် တွဲဖက်ကာ သုံးစွဲလိုက်ကြသည်သာဖြစ်သည်။ (အတိအကျ သုတေသန မပြုထားရသေးသောအချက်ဖြစ်ပါသည်။ စာတမ်းများမှ လေ့လာ ထားချက်များအရ သိရခြင်း ဖြစ်ပါသည်)။ technical parameters များကို modernize လုပ်ရန် နားမလည်ကြသေးချေ။ စားသုံးသူများ၏ လျှပ်စစ်စွမ်းအင်အပေါ် ရေရှည် ကုန်ကျစားရိတ် သက်သာအောင် သို့တည်းမဟုတ် နိုင်ငံ၏ လျှပ်စစ်စွမ်းအား သုံးစွဲမှုကို ရေရှည်တွင် ထိရောက်စွာ ချွေတာနိုင်မည့် energy saving motor များကို ဒီဇိုင်းပြုလုပ်ခြင်း လည်းမရှိပေ။ ထို့ပြင် မော်တာ၏ သက်တမ်းနှင့် ယုံကြည်စိတ်ချရမှု စသည်တို့နှင့် ဆိုင်သော မဖြေရှင်းရသေးသည့် ပြဿနာများလည်း ကျန်နေပေသေးသည်။series အလိုက်ထုတ်သော motor များသည် rated conditions များတွင်သာ ကောင်းစွာ အလုပ်လုပ်ရန် ထုတ်လုပ်ထားခြင်းသာဖြစ်သည်။ အကယ်၍ motor ကို regulation ပြုလုပ်သုံးစွဲမည်ဆိုပါက မော်တာနှင့် အင်ဗာတာ အပြန်အလှန် ဆက်နွယ်မှု သဘောတရားများကို အသေအချာထည့်တွက်ရမည်ဖြစ်ရာ ဒီဇိုင်းပြုလုပ်ရန်၊ ထုတ်လုပ်ရန် ပိုမို ရှုပ်ထွေးလာရမည်သာဖြစ်သည်။ Scalar control နည်းစံနစ်များကို အသုံးပြုပါက frequency နည်းလေ staror ရှိ inductance တန်ဖိုးများ ကျဆင်းလေဖြစ်ပြီး resistance တန်ဖိုးများမှာလည်း အလွန်ကျဆင်းကာ stator current မတည်ငြိမ်တော့ဘဲ ရုတ်တရက် မြင့်တက်ကာ motor ၏ Torque လည်း stable မဖြစ်နိုင်တော့ပေ။ ထိုအချက်ကို အထူးသဖြင့် Torque stable ဖြစ်ရန် လိုအပ်သော ၀န်ချီစက်များ၊ ဓါတ်လှေခါးများ ရိုလာစက်များတွင် အသုံးပြုသော inverter-motor များ ဒီဇိုင်းပြုလုပ်ရာတွင် ထည့်သွင်းတွက်ချက်ရန် အရေးကြီးပေသည်။
ဒီအခက် အခဲ ကို ကျော်လွန်ဖို့ လက်တွေ့မှာ မော်တာနဲ့ အင်ဗာတာကို ပိုပြီး ပါဝါ များတာကို ၀ယ်ကြရလို့ ဈေးပိုကြီးလာရတယ်။
energy saving မော်တာကို ပြောင်းလဲ ဒီဇိုင်းပြုလုပ် ရာမှာ ကုန်ကြမ်း 15-30% ပိုမို သုံးစွဲရတာကို အတွက်အချက်များအရ သိရပါတယ်။ efficiency 1% တိုးဖို့အတွက် active material တွေရဲ့ mass 3-6% ပိုမို သုံးစွဲရပါတယ်။ ဒါကြောင့် ဈေးနှုန်းမှာ ရိုးရိုးမော်တာထက် 25% ပိုများနေရပါတယ်။ ပြီးတော့ moment of inertia ကလဲ 20-50% ပိုတိုးလာပါတယ်။ ဒါကြောင့် special design သာသေချာ လုပ်မထားနိုင်ခဲ့ရင် ဒိုင်းနမစ် အခြေအနေမှာ ရိုးရိုးမော်တာထက် ကို ပိုဆိုးနိုင်ပါတယ်။
မော်တာ ထုတ်လုပ်ရာတွင် အသုံးပြုသော ပစ္စည်းများ၏ ဈေးနှုန်းများကို လေ့လာရာတွင် ၄င်းဈေးနှုန်းများသည် တဖြည်းဖြည်းခြင်း မြင့်တာလာမည့် အလားအလာကို အခိုင်အမာပင် တွေ့ရှိရပေသည်။
electrical steel တန်ဖိုး 50%ခန့် မြင့်တက်လာတယ်။ ၀ါယာနဲ့ပက်သက်တဲ့ ပစ္စည်းတွေ 31% မြင့်တက်လာပြီး သံကြွပ်တန်ဖိုး ၈၀% အထိ ထိုးတက်သွားတယ်။ ပစ္စည်းတွေ ဈေးတက်လာတယ် ဒါကြောင့် မော်တာ ဖိုးကို ဈေးတင်လိုက်ရတယ်။ ဒါ့အပြင် ဒီလိုထပ်ဖြစ်ဖို့ အခွင့်အလမ်းတွေ များနေသေးတယ်။ တစ်ချိန်တည်းမှာ အင်ဗာတာတွေ ဈေးကျလာပြီး မော်တာနဲ့ ဈေး အတူတူလောက်ဖြစ်လာတယ်။
ဒီကနေပြီး ဘာသုံးသပ်လို့ ရလာသလဲဆိုတော့ မော်တာကို drive အတွက်သီးသန့် ဒီဇိုင်းထုတ်တာဟာ အဲဒီ drive ရဲ့ဈေးကို ကျသွားဖို့ အများကြီး အကျိုးသက်ရောက်မှု ရှိတယ် ဆိုတာပါပဲ။ နောက်ပြီးတော့ နည်းပညာပိုင်း အရည်အသွေးတွေ ပိုကောင်းလာပြီး reliability ပိုများ လာစေပါတယ်။
ဒါကြောင့် အင်ဗာတာနဲ့ တွဲသုံးမယ့် မော်တာတွေဟာ construction ပိုင်းတွေမှာ သာမာန် မော်တာတွေနဲ့ မတူဘဲ သီးသန့် ဒီဇိုင်းပြုလုပ်ဖို့ လိုလာပါတယ်။
ဒီလိုပြောင်းလဲမှုတွေ လုပ်ရာမှာ မော်တာကို magnetic system အသစ် ဖြစ်အောင် လုပ်ကြရမယ်၊ rotor slot တွေ ပုံစံ ပြောင်းလဲရမယ်၊ squirrel cage rotor အတွက် material အသစ်တွေလည်း ပြောင်းလဲ သုံးစွဲတာတွေ ပြုလုပ်ရပါမယ်။
မော်တာရဲ့ insulation တွေဟာ အင်ဗာတာ နဲ့ တွဲသုံးတဲ့ အတွက်ကြောင့် ပိုမို စိတ်ချရအောင် ပြုလုပ်ထားရမယ်။ ဘာလို့လဲ ဆိုတော့ high frequency ရှိတဲ့ PWM ရဲ့ ဗို့အားက သာမာန် သုံးနေကျ insulator တွေကို ပျက်စီးသွားစေနိုင်လို့ပဲ ဖြစ်တယ်။ 75 ကီလိုဝပ် ထက်ကြီးတဲ့ မော်တောတွေ အတွက်ဆို ဘယ်ရင်းတွေမှာ စီးဆင်းနေတဲ့ current ကို ခန့်မှန်းဖို့ ရှုပ်ထွေးမှုက အခက်အခဲ တစ်ခု ဖြစ်တယ်။ အဲဒီ current က မော်တာနဲ့ ချိတ်ထားတဲ့ encoder ကို အနှောက်အယှက် ဖြစ်စေနိုင်တယ်။ အဲဒီ encoder က ကွန်ထရိုး စစ်စတမ် ရဲ့ အစိတ်အပိုင်းတစ်ခု ဖြစ်ပါတယ်။
အချုပ်အားဖြင့် ဆိုရမည်ဆိုလျင် inverter fed induction motor special design အတွက် လောလောဆယ် မဖြေရှင်းနိုင်သေးသော ပြဿနာများ၊ ထည့်သွင်းစဉ်းစားရန် အချက်များ တစ်ပုံတစ်ခေါင်းကြီး ကျန်ရှိနေပေသေးသည်။ ထိုအချက်များကို ဖြေရှင်းသည့်နည်းလမ်းများ ရှာရန် ဒီဇိုင်နာများအနေဖြင့် ကြိုးပမ်း ၍ သုတေသနများပြုလုပ်နေကြဆဲဖြစ်ကြောင်း တင်ပြအပ်ပါသည်ခင်ဗျား။

ဘလူးဖီးနစ်

http://engineer4myanmar.com

ကျမ်းကိုးစာရင်း
1. Беспалов В.Я , Макаров Л.Н. Основные направления совершенствования конструкций и технологии производства низковольтных асинхронных двигателей. Г.Москва МЭИ (ТУ), РУСЭЛПРОМ.
2. http://www.aceee.org/motors/epactapp.htm