ပင်စင်စား အဘိုးအိုတစ်ယောက်ဟာ ဆိတ်ငြိမ်ရပ်ကွက်လေးတစ်ခုကို ပြောင်းရွေ လာတယ်။ ပထမရက်တွေမှာတော့ သူ့အတွက် အဆင်ပြေပါတယ်။ ကျောင်းဖွင့်ရက် ရောက်လာတဲ့အခါ ကလေး ၃ယောက်ဟာ သူ့အိမ်ရှေ့လမ်းပေါ်ကနေ ကျောင်းသွား၊ကျောင်းပြန် အချိန်တိုင်း သံဗုံးတွေတီးပြီး ဆူညံနေတော့ သူ့အတွက် စိတ် အနှောက့်အယှက်ဖြစ် လာတယ်။ အဲဒါနဲ့ သူတစ်ခုခုလုပ်မှ ဖြစ်မယ်ဆိုတာ အဘိုးအို သဘောပေါက်လိုက်တယ်။ နောက်တစ်နေ့
အဘိုးအို- ဟေ့ ကလေးတို့ လာပါအုံး၊ မင်းတို့ကိုကြည့်ရတာ အရမ်းပျော်ဖို့ကောင်းတာပဲ၊ နောက်နေ့ အဘိုးအိမ်နားမှာ နေ့တိုင်း သံပုံး လာတီးကွာ မင်းတို့ကို တစ်နေ့ကို မုန့်ဖိုး ၅၀၀ကျပ်ပေးမယ်ဟေ့။
ကလေး ၃ယောက်- ကောင်းပါပြီ အဘိုး ကတိတည်ပါစေ။
အဲ့လိုနဲ့ အဘိုးအိုနဲ့ ကလေးတွေ တစ်နေ့ ၅၀၀ကျပ်နဲ့ နေ့တိုင်းသံပုံးလာတီးဖို့ အပေးအယူဖြစ်သွားတယ်။
နောက်ရက် အနည်းငယ်ကြာတော့ အဘိုးအိုက ကလေး၃ယောက်ကို ခေါ်ပြီး
အဘိုးအို-ကလေးတို့ရေ အခု စီးပွားရေးပြဿနာဆိုက်နေတော့ အဘိုးတို့ အခွန်တွေပိုပေးရတယ်။ အဘိုးပင်စင်လစာ အရင်လောက် မရတော့ဘူးကွ၊ အဲ့တော့ မင်းတို့ကို တစ်နေ့ ၂၅၀ပဲပေးနိုင်မယ်ကွာ။ မင်းတို့လက်ခံနိုင်ရဲ့ လား။
ကလေး၃ယောက်ဟာ သိပ်တော့ ကျေနပ်လှတယ်မဟုတ်ပေမဲ့ ဘာပဲအတွန့်မတက်ပဲ လက်ခံလိုက်ကြတယ်။
နောက်ရက်အနည်းငယ်ကြာတော့ အဘိုးအိုက ကလေးတွေကို ထပ်ခေါ်ပြန်တယ်။
အဘိုးအို-ကလေးတို့ရေ အဘိုးဒီလ အသုံးစရိတ်များသွားလို့ မင်းတို့ကို တစ်ရက် ၁၀၀ပဲပေးနိုင်မယ်ဟေ့၊ မင်းတို့ သဘောတူလားကွ။
ကလေး၃ယောက်- ဘာဗျ ဒီငွေလေး ၁၀၀နဲ့ ကျုပ်တို့က အချိန်ကုန်ခံပြီး နေ့တိုင်းသံပုံးလာတီးနေရမှာလား။ အဘိုး ရူးနေလား၊ လုံးဝ သဘောမတူဘူး၊ ဒီနေ့ကစပြီး လုံးဝ လာမတီးပေးနိုင်ဘူး၊ ဒါပဲ
ဒါလေးကို ဒီကနေ မှီငြိမ်းပါတယ်
ဟာသအဖြစ်တင်ထားပေမဲ့ သင်ခန်းစာယူစရာလေး ပါ။ ကိုယ်လိုချင်တဲ့အရာကို တိုက်ရိုက်ပြောရင် တစ်ခြားသူ လက်မခံနိုင်ဘူးထင်တဲ့အခါ တစ်ခြားနည်းလမ်းနဲ့ ရအောင်လုပ်ယူနိုင်တယ်တယ်ဆို သတိရနိုင်ပါစေ၊
ပညာရှိ
Subscribe to:
Post Comments (Atom)
1 comments:
ရိုး၂ရှင်း၂လေးပညာပေးတဲ့ပို့စ်လေးပါ. ဗဟုသုတတိုးစေ ပါတယ်.
Post a Comment